|
SubscriptionsSites I Read
|
|
|
|
| 最近搞Snooker比賽, 雖然去到只係坐係度睇住人打都無咩搞, 但晚晚都4點先訓, 第二朝11點幾返到公司, 連續三晚都係甘, 真係變人乾, 好彩終於都完結
感覺自己做野真係都幾吾專心, 錯漏百出, 所以仲有好多可以改進既地方
中大畢業禮, 除左返去拎張cert同影相, 都無乜特別, 不過最柒既係居然同阿興一齊miss左聯合既大合照, 真係對你吾住呀朋友, 所以請你食餐飯當補數, 我都吾想架
仲有阿豪, 快D買I phone
畢業禮後就病到依家, 今日都算係好D, 呢幾日去旺角搞桌球比賽, 真係煙霧彌漫, D衫同頭髮成陣味, 咳得都嚴重左, 不過都慢慢好返喇, 聖誕假一定要健健康康甘過
聽日MT X'mas party 加 預祝Kin sir 生日, 希望玩得開心
最近比較煩呢.....
| | |
| 相隔一個月的xanga
QIT完滿結束, 雖然最後贏不了金獎, 但卻贏了掌聲, 對付出的一種肯定
香島開學飯, 真係好好玩, 睇住阿陞變成加拿大長毛王, 好搞笑.....飯後食甜品@滿記, 然後返公司拎野, 真係柒晒, 拎左返屋企都無做過= = 係地鐵撞到兩次熟人, 呢D就係緣份喇!
最近小弟生日, 多謝甘多位請食飯送禮物, 真係好開心
今日去左disneyland 玩鬼屋, 都吾係鬼, 得個嚇字, 嚇完之後就乜都吾記得...我認我係細膽, 但disneyland既鬼屋堅係麻麻
中秋節未諗好去邊度玩tim...
| | |
| 返工, 放工
呢兩日返10點至11點, 放11點半至12點
尋日因為要傾出去比賽既project
今日係因為工作過程出左錯, 兩條友係公司捉蟲, 另外仲有兩位同事搞緊sales report, 夜媽媽成層樓得返四個人, 真係有趣又奇怪
加上已經踏入農歷七月, 寄望吾好成日OT甘耐, 但係都只能係寄望
雖然已經返左呢份工成個月, 不過我依然去見工
今日返11點, 因為用左少少時間去深水步見工, 區議員助理, 劉佩玉議員, 原來係香島校友
更奇趣既係, 我一入辦公室竟然見到黃藹瑩...
更更奇趣既係, 佢吾認得我, 淨係覺得我好熟面口= =
返工真係返到無乜時間訓覺...一諗起個個都係甘, 就有少少心寒
床呀床, 我黎喇
| | |
| 一連四日會展電腦節結束, 公司返到幾多數我吾知, 不過落場做, 同入場睇真係兩回事, 睇到好多野,
管理一個showcase好辛苦, 尤其是管理一個甘多sales既場, 大大話話每日都有50個sales, 仲要日日吾同, 成日寫漏野, 或者吾聽briefing, 吾記得有咩offer, 無可能逐樣逐樣幫佢執, 分輕重就好緊要
其實都明白佢地辛苦, 好多野好想幫佢地做好D, 但一做到細節野就易亂, 有時唯有化繁為簡, 佢地講足一日係辛苦架喇, 不過我每日9點3到11點9走, 著住對皮鞋都幾痛苦
成個場由準備到完成歷時四個多月, 最令我明白時間管理既重要性, 點樣係日常事務裡面抽時間去搞個function, 又吾影響其他工作, 我仲有好多野學, 撇除呢份工既nature, 其實有好多野可以學, 需要時間去浸淫
但係人事上既問題, 我諗我真係吾識去處理
要我主動去同人爭真係有D難......老實講, 我吾知點樣可以令自己吾去勞氣
我吾明, 一個甘細既位置, 有咩好爭? 你做你既, 我做我既咪得囉~~你企我位, 我吾怪你, 我做緊我既單你judge我, 我吾怪你, 都係為公司好...你失驚無神睇睇下nowTV sports大叫我都吾怪你, 我知你好興奮~~你搶埋我D野做我都吾怪你, 你驚我做吾黎幫埋我做, 我多謝都黎吾切~~我坐低你又坐低, 我企起身你就又企起身塞埋黎果個甘細既企位我都吾怪你, 我知道同事之間應該共同進退~~你喝我我都吾怪你, 我知你精神緊張
吾通樣樣野都搶晒黎做事情就可以完美?
我知道一大堆MT你要表現自己好難, 放心去做喇, 你得既
| | |
| 話說時間逐漸過去, 來到了24個月
接下來要怎麼樣, 有賴兩個人決定
喜歡簡單但窩心的生活
但願能一直持續下去
終於, 在PCCW返左一個月, 就好似某同事講既甘, 需要將返工既一切分享出來
能夠係DS認識到一班MT, 實在係幸運, 因為吾係好多工作都可以有一大群同自己年齡差不多既人, 可以一齊工作, 一齊lunch, 其實都算開心
不過佢地既工作態度係好好, 甚至乎同我同屆既MT, 都好勤力工作, 我就差好多喇
睇怕都係我既心態問題
想去逃避工作, 順手逃避埋一切煩鎖的事
然而這些心情沒有為我帶來甚麼好事
一些同屆的MT雖然離職, 但有些是帶著其他offer離開的, 應該要時刻記住自己已不再是學生身份
不能再任性下去了
黎緊21至24號, 係會展有電腦通訊節, 屆時電訊盈科都會參與, 如果大家甘岩行過, 過黎探下我喇
| | |
|
